Сарны тухай

Урьд нэг эмэгтэй хүүхэддээ хөнөг* бариулаад голоос ус аваад ир гээд явуулжээ. Тэгсэн чинь тэр хүүхдийг сар аваад явчихаж гэнэ. Хөнөг барьсан хүүхдийн дүрс саран дээр байдаг нь ийм учиртай гэнэ. Тийм учраас монголчууд сартай шөнө хүүхдийг усанд явуулах дургүй байдаг аж.
Усанд явсан хүүхдийг хурдан буцаж ир гэж дуудахдаа ... «Нохой хахлаа, усаа хурдан авч ир!» гэж дууддаг байна. Нохой барагтай бол хахдаггүй, хахлаа ч гэсэн үхнэ гэж ер байдаггүй гэнэ. Тийм учраас нохой хахахад хүмүүс баяжна гэж бэлэгшээдэг болжээ. Усанд яваад удсан хүүхдийг ийнхүү баяжихыг бэлэгшээж «Нохой хахлаа!» гэж дууддаг байна.

*Хөнөг - Шингэн зүйл агуулах сав

Шошго: |

0 Сэтгэгдэл: